Net 'n klein opsommings video

Dag 10

Vandag was my “laaste” dag as ‘n Afrikaner in die stad. Daar was baie hoogtepunte sowel as laagtepunte. 

Drag vir die dag

• ·      Leer sonkep
• ·      Rugby trui
• ·      Khaki vest
• ·      Blou jeans
• ·      Stewels

Die intervensie het my gemotiveer om navorsing te doen en aspekte van my kultuur te ondersoek wat ek voorheen nooit wou nie. Dit het my vorseer om “n indiepte ondersoek in te stel oor fustrasies wat nog altyd in my binneste was.

Voor hierdie intervensie was ek op ‘n manier weg gebreek vanaf die Afrikaanse kultuur en het dit in ‘n negatiewe lig gesien. Ek was skaam om as ‘n Afrikaner geklassifiseer te word in die stad oor die vrees van wat mense oor my gaan dink. Ja mense hier het die verkeerde uitsig oor ons, alles draai nie net om brandewyn, braai en rugby nie. Ek het sodoende geleer en gesoek vir die positiewe aspekte van ons kultuur.

Dit is duidelik om te sien dat skuld nogsteeds deel van ons bagasie is, selfs al was jy nie deel van apartheid nie. My skaamte het hierdie laaste paar dae in trots verander. Ek het in my drag en met my taal in trots deur die strate gestap want om ‘n Afrikaner te wees het nie in my oe geen van daardie slegte goed meer voorgestel nie.

Ek weet ek het aan die bo kant gese dit was my laaste dag maar om eerlik te wees ek dink nie so nie. Ek gaan defnitief vir my ‘n paar stewels aankoop en bietjie meer van my kultuur in my daaglikse lewe inwerk. Of dit nou taal of drag is.  

Hier volg net ‘n paar fotos van my ondervindinge :)

Dankie aan almal wat daagliks gevolg het en vir al die positiewe terug voering en e-posse. Julle het dit net soveel makliker gemaak, hou maar julle oe oop vir ‘n moontlike tweede blog en onthou…

KYK NOORD EN FAK VOORT! :)

Vrede :)!

Dag 9

Vandag was ‘n baie besige dag aangesien ek moet leer vir eksamens en take klaar maak. So my dag het letterlik bestaan uit net werk en vir die eerste keer het ek nie rerig iets om oor te blog vir die dag nie. More is die laaste dag, ek sal dan uitbrei oor my hele intervensie oor die algemeen en my ondervindings beskryf sowel as wat ek geleer het. Hoop julle verstaan :)

Moet ongelukkig weer my kop in die boeke gaan plak!

Vrede  :)

Dag 8

Fokofpolisiekar:

Vandag het ek weg beweeg vanaf jou traditionele Afrikaner persona en oorgeskakel na 'n meer moderne generasie wat ek gaan klassifiseer as die fokofpolisiekar generasie.






Drag vir die dag:

• kuif oor een oog
• Fokofpolisiekar T-Hemp
• Grys kappie top
• Rooi Belt
• Swart "Skinny" jeans
• Grys fellies.

Die deskripsie van jou tipiese Afrikaner volgens hulle dokumentere fliek "Forgive them for they know not what they do" beskryf die volgende. Die eerste ding wat mens moet verstaan is waar ons as n sub-kultuur vandaan kom. Jou tipiese Afrikaner het eienskappe soos hy is eng, konserwatief, hys protistant m.a.w. hy is n Christen. Hy het sekere vooropgestelde idees oor hoe om sy kinders groot te maak en besigheid te doen. Hy is trots op sy familie en sy familie naam. So jy sit met 'n klomp mense wat nie regtig weet wie hulle is nie. Apartheid het 'n baie groot rol gespeel in wie hulle as 3de generasie is. Dit het 'n baie groot impak op hulle gehaad. Hulle was geplaas onder sanksies, al hul media was gesensor. Vir hulle was Suid Afrika al wat saak gemaak het in die wereld. 

Die lede van die orkes was in die 80's gebore. In hul kinder jare was hulle bewus van die struikel en wat aan die gang was in ons land, maar hoe baie kan 'n 14 jarige tiener rerig oor die politiese sfeer verstaan. Daar was baie kwaad en frustrasie onder die lede en onsekerheid oor wat vorentoe gaan gebeer. Om jouself in daardie situasie te plaas indien jy nie deel van dai generasie was nie verbeel jou die volgende. In jou kinder jare word jy deur die kerk, regering en jou oueres vertel dat swart mense minderwaardig is en daar sekere maniere is om op te tree tenoor hulle en dan in 1994 terwyl jy in jou tienere jare is verander alles en eweskielik word al hier die goed wat deur jou omgewing op jou ingedoktroneer was gesien as leuns. dit veroorsaak baie verwarring en onnodige skuld gevoelens oor sekere aspekte van ons verlede.

Die orkes was gevorm as 'n grap om die konserwatiewe Afrikaner gemeenskap te skok, maar die lede van fokofpolisiekar het nooit gedink dat hulle ooit volgens ontleders as die stem van 'n generasie sou wees nie. Die band as baanbrekers in alternatiewe musiek en die jong mense het gewag vir iemand om weg te breek van die tiepiese sokkie-sokkie treffers. FPK het vrae in hulle liedere gevra wat die luisteraar laat trug sit het om sekere aspekte van hulle lewe te herdink. Afrikaanse jong mense op daardie stadium het net gewag vir iemand om op te staan in daardie opsig en te besef dat hulle kan vir hulself dink, dat hulle nie die enigste mense was wat onnodig skuldig gevoel het of vasgebind op 'n manier nie.

In een van hulle liedere sing hulle "ons almal werk saam aan Afrikaans Amerika". Baie Afrikaners wou wegbreek van die traditionele siening van Afrikaans wees. Die alternatief vir daardie Afrikaners was om of uit die land te beweeg of om oor te skakel as 'n engelse persoon. FPK het 'n alternatief gegee en Afrikaans onder jong mense in 'n sin "cool" gemaak. 

Hulle hetdie media gedruk weens hul naam todat hul uiteindelik ingegee het en hulle volle naam gepubliseer het. Hulle musiek was ook die eerste Afrikaanse liedjies wat ooit op 5fm uitgesaai was.

Hulle musiek handel oor die selfde probleme wat ek aanspreek in my blog. Oor ons kultuur en waar ons inpas na appartheid. in hulle nuwe lied Paranoia word daar gesing:

"Ek is sonder kultuur gebore.

Ek bly toevallig in Afrika.
Ek praat toevallig Afrikaans.
Daar’s baie min mense wat my verstaan.

Ek sluip deur die strate,
Sonder rigting,
Sonder koördinate.
Sondebok,
Verslaaf aan massamedia,
Slagoffer van prestasie-angs en…

Paranoia, paranoia!
Ons bid ons bly beskut,
Terwyl die duiwel aan ons vensterrame ruk.
’n Lewe met paranoia, paranoia!
Afrika die vampier,
Beeldskone ondier."

( http://lyricstranslate.com/en/fokofpolisiekar-paranoia-lyrics.html#ixzz32r3x8mje )

FPK kan gesien word as n baie kras orkes maar hulle musiek praat met hulle luisteraars op vlakke wat soms nie in woorde beskryf kan word nie. Ahoewel my hemp vandag kras was en sekere mense my wel skeef uitgekyk het, het ek hom met trots gedra. Want op my hemp was meer as net n titel, dit was die simbool van 'n generasie.

Ek stel vir eenigiemand voor om die dokumenter te kyk. Die voorprent is hoer op gepost ('n moet kyk.)

vrede :)

Dag 7

Take en Braai

Vandag moes ek aan 'n groep taak werk by my vriendin se huis saam met 3 ander vriende. Ok so snaakse senario om eerlik te wees. Ons was almal besig met ons 10 dae intervensies terwyl ons aan ons Rekeningkunde taak gewerk het. Ons het bestaan uit die boer, "stripper", verpleegster en Batwoman.

Asof dit nie genoeg was dat die taak ongelooflk ingewikkeld was nie, kon ek net Afrikaans praat wat weereens vir my in 'n ongemaklike situasie geplaas het. Hoe verduidelik mens ingewikkelde konsepte en terme in Afrikaans aan mense wat dit glad nie verstaan nie??? Ek sal wel die volgende se, dit was 'n eenaardige en opwindende dag en deur dit alles is ons taak gelukkig netjies en klaar. Toe word ons honger.. 

Toe die besluit uiteindelik deur Batwoman gemaak was dat ons gaan braai was dit van self spreekend dat die Afrikaner moes braai. En al moet ek dit self se, die vleis het heerlik geproe.

As jy 'n Suid - Afrikaner is en nie weet wat 'n braai is nie dan is jy heel moontlik nie rerig van hier af nie. Alhoewel 'n braai gesien word as 'n egte Afrikaanse ritueel is dit oor die loop van tyd aangeneem deur verskye etniese groepe in Suid-Afrika.  Volgens Wikipedia word die Term braai geasosieer met die engelse term "Barbeque".  'n braai is die prosesd om eenige vorm van vleis gaar te maak deur die gebruik van vuur. Dit sluit uit gas braaiers. Hout was nog altyd die verkiesde medium maar deesdae wir steenkool gereel gebruik weens die gerief wat daardeur gebied word. (www.wikipedia.com)

As mens die Afrikaner kultuur ontleed of in perspektief moet neem sou mens se dat braai eie aan ons kultuur is. Vra vir enige engels man wat is die kulturele aspekte van 'n Afrikaner en hul sal dadelik vir jou se, Brandewyn, Rugby en braai. Dit kan oor die algemeen beskou word as 'n baie opperflakkige en onakkurate opsomming van wie ons as sub-kultuur is. Het ons rerig ons wortels so vlak uitgetrek dat die eenigste goed wat ons kan identifiseer gebaseer word op drank, 'n sport soort wat deur talle ander kulture wereldwyd gespeel word en 'n vorm van kos maak, wat nie eers eie aan ons is nie? Iewers mis ons iets.

Om net uit te brei op die braai aspek, alhoewel dit eie aan Suid Afrika was, is dit nie eers gestig/ontdek as 'n middel van kos berei deur Afrikaners nie. Naby aan die fossielryke sterkfontein is bewyse van die eerste braai's in die geskiedenis van die mens. Daar was bewyse gevind van gekontroleerde vure en gebraaide vleis oorskiet wat oor 'n miljoen jaat terug dateer. Hierdie braai was gehou deur die spesie genoemd Homo erectus en deur die bene te ondersoek was daar gevind dat die hout van n witstinkhoutboom gebruik was. (http://www.beeld.com/nuus/2013-09-22-meer-as-net-n-dag-om-te-braai)

Basies kan daar gese word dat braai wel 'n ritueel is wat gereeld deur Afrikaners uitgevoer word, maar dit is nie eie aan ons kultuur nie en onderskei ons nie van ander kulturele groepe nie. Brandewyn kan verwyder word aangesien dit baie negatiewe baggasie in die vorm van reputasie dra, sowel as rugby ook. Ja die Springbokke speel goed en ons is mal oor ons rugby, maar rugby kyk, braai en brandewyn drink is nie veronderstel om hoogtepunte van ons tradisie te wees nie. Afrikaans is 'n ryk kultuur, ons het verskeie fantastiese digters en vorige leiers wat 'n groot rol gespeel het in die ontwikkeling en bou van hierdie land waarin ons bly. Die Appartheids jare het wel 'n knou aan ons reputasie veroorsaak en daardie skuld en skaam dra die nuwe generasies nogsteeds saam met hulle. Dit is belangrik dat ons vashou aan die positiewe aspekte van ons kultuur, die goed wat ons en hierdie land gemaak het wat dit vandag is. Die beeldskoonheid van ons taal, soveel klanke wat net vloei vanaf ons tonge en die eindelose persoonifikasies en idiome wat niks aan ander beteken as dit vertaal word nie. Die ongelooflike familie bande wat vasgebind bly deur die moeilikste tye en dai broeder bloed wat binne ons almal pomp. Dit form deel van daardie klein stukkies goud wat ons anders maak as kulture wat saam met ons wandel op hierdie aarde en dit, is daardie juweelkies waaran ons as 'n kultuur en taal moet vasklou.

vrede :)

Dag 6

De La Rey

Vandag reen dit en die Kaap en aangesien hier nie regtig enigiets is om te doen of om oor te blog nie het ek my eie onderwerp opgesoek. Ek en Albert besluit toe sommer om die volgende liedjie op te neem vir enigiemand wat dit nie kan onthou nie,  moontlik net omdat ons verveeld was...

Moenie huil nie, moeie kwyl nie, ek weet dit was mooi. Meeste van ons onthou die groot media debakel wat veroorsaak is deur vrystelling van hierdie liedjie. Volgens ontleeders en joernaliste was die liedjie 'n oproeping teenoor Afrikaners om hulself te mobiliseer en hulself te distansieer van swart mense en veral van die regering. 'n Minsiter het dit tot so ver gevat dat hy mense gewarsku het dat daar 'n revolusie aangeroep word deur Afrikaners en dat almal op die uitkyk daarvoor moet wees.

Verkope vir die De La Rey Album het oor die 180 000-merk geskiet binne die eerste 6 maande. Maar 'n aanroep vir 'n revolusie was glad nie die geval nie. Waneer daar na die album in geheel geluister word is daar geen aantuigings teen die nuwe Suid Afrika nie, inteendeel word daar gesing van Nelson Mandella en die Reenboog Nasie in 'n positiewe konteks in een van die liedere.

Die Lied handel oor dia Anglo-Boere oorlog. In 'n opstel wat Antjie Krog geskryf het aan die Universiteit van die Wes-Kaap en Stellenbosch het sy die volgende interessante stelling oor die lied gemaak:

"How can the apartheid past, with its Afrikaans coinage of injustice, ever be reconciled with the present? The song’s popularity says to me that, in general, Afrikaners want to become part of building a free country, but feel sidelined because of their past. They are trying to build a meaningful relationship with the rest of the country, but battle to deal with unexpressed guilt." (http://mg.co.za/article/2007-04-01-de-la-rey-afrikaner-absolution)

Volgende week gaan ek 'n ondersoek instel om te kyk na die "Fokofpolisiekar-generasie".

Dag 5

Halfpad deur my intervensie! Om die mylpaal te vier was ek en 'n paar van my engelse pelle by die Brandewyn fees gisteraand, dus is my post so bietjie laat.

Voordat ek begin praat oor die fees gaan ek eers deel wat deur die dag met my gebeur het. 

Drag vir die dag

• Leer hoed 
• wit hemp
• Khaki Vessie
• Blou jeans
• Stewels

Na 5 dae is ek baie meer gemaklik in my drag en dit is veilig om te se dat ek al gewoond geraak het aan al die skewe kyke en snaakse gesigsuitdrukkings. Of so het ek gedink. Ek was in Food Lovers in die ry om te betaal en twee engelse manne het agter my gestaan. Ek kon alles van hulle gesprek hoor en toe hulle eers vir my van kop tot tone bekyk draai hy na sy pel. Ek hoor toe uitdruklik hoe hy vir hom se, "You only get weird people like this in Cape Town, Bru." Nou dat ek terug dink ek het dit baie aanvallend opgeneem en die van julle wat my ken weet ek is die tiepe persoon wat sulke goed net sal ignioreer. Ongelukkig was dit nie die geval nie en ek het die persona wat ek voel ek aan gehad het ingeneem en omgedraai en direk vir hule gevra, "Ekskuus? Het jy 'n probleem met hoe ek lyk?" Ek weet nie of hulle geskrik het of net nie Afrikaans verstaan het nie ( ek verskies geskrik:) )maar daar was 'n baie ongemaklike atmosfeer wat dadelik kop uit gesteek het. Ek het toe maar so vinnig as moontlik myself ontrek en klas toe gestap.

Gelukkig het die res van die dag goed af geloop. Ja, ons het gaan brandewyn proe.. Brandewyn is mos veronderstel om die verkiesde drankie van eenige Afrikaner te wees. Jack Parrow ingesluit.

Brandewyn is basies 'n gedistilleerde wyn wat gewoonlik tussen 40-60% etielalkohol per volume bevat.

Dit het wel gesondheidsvoordele. Haha, ja jy het reg gehoor, Brandewyn help vir verligting van verkoue en griep. Boonop help dit ook met die oopmaak van jou asemhalings stelsel en sinusse. Ander voodelige gevolge sluit bevordering van die spysvertering stelsel in, en dit dien ook as 'n bloedverdunner, wat cholesterol verlaag. In die verlede het mense al geweet van hierdie gesondheidsvoordele en dit die "water van die lewe" gedoop.

By die fees het ek die geleentheid gehaad om verskeie brandewyne wat ek nooit in my lewe sal kan bekostig nie te proe en ek's dood seker dat ek nie 'n probleem met eenige sinusse of verkoues vir die volgende maand sal he nie, haha.

Dag 6 sal later venaand opkom, ek en my vriend gaan 'n baie bekende Afrikaanse liedjie speel en dit afneem alles net vir julle plesier. Julle het dus premisie om later venaand ons uit te lag 

Vrede :)

Dag 4

Sokkie.. ook bekend as Langarm, Sakkie-sakkie, kotteljons, windpomp of

my gunsteling.... Windsurfing!

(indien die video as net 'n wit blok verkyn, kliek daarop en dit sal begin laai)

Daniell Barnard en Carli Wolmarans

(die abs op die einde is Kyle Combrinck sin - just saying)

Vandag was dit tyd om bietjie bene te rek, Ja inderdaad ek het gesokkie soos ek belowe het. Ek het een van die min meisies by my universiteit gekry wat Afrikaans is en kan sokkie. Sy was natuurlik gekies uit honderde wat audisie het, so as jy nie die "cut" gemaak het nie moet asseblief nie hartseer wees nie. Wees bly jy was nie die een wat na al my flou pick up lines moes luister nie.

Aangesien dit eintlik 'n akademiese blog is en ek bepunt word hiervoor moet ek ook bietjie navorsing by heg. Voel vry om net die video te kyk en te lag of andersins as jy niks beters het om op 'n Donderdag aand te doen nie hierso is 'n paar goed wat jy dalk nie van sokkie geweet het nie.

Sokkie is deel van ons kultuur. Dit is die mees gewildste form van dans onder Afrikaners en dus is dit vanselfsprekend dat ek as deel van my intervensie dit moes in werk. 'n Form van sokkie het onstaan al jare terug in die vorm van volkspele wat die traditionele dans vir die Voortrekkers en Afrikanse Boere Volk was. Daar is 'n wel 'n verskil tussen langarm en sokkie. Langarm is die meer traditionele form van sokkie wat in vroer jare baie gewild was. Sokkie kan gesien word as 'n meer moderne weergawe daarvan wat baie meer draaie, "drops","twists" en soms "lifts" ook het. (www,dancestation.co.za)

Maar hoekom sal mens die dans sokkie noem? Die term sokkie se oorsprong is gekoppel met meisies wat altyd hulle skoene uitgeskop het en op hul sokkies of kaalvoet gedans het. Alhoewel ek nie voorstel dat jy dit in 'n kuier plek doen nie.. onthou, die "5-second rule" tel nie in Terrace nie. Maar as jy by 'n partytjie by 'n huis is voel vry omdie skoene afteskop en die vloer warm te dans.

Nou die musiek... of ok wag ek gaan nie oor die musiek praat nie. Ek sal dit nie waag nie.

oor die algemeen.. 'n goeie dag, het eksamen geskryf, bietjie gesokkie en ek het dam nie te snaaks gelyk nie so het nie teveel probleme veroorsaak nie.

More gaan ek saam met 'n paar pele na 'n Brandewyn fees toe.... ja jy het reg gehoor 'n brandewyn fees. Stereotiepies die gepaste drankie vir 'n Afrikaner... vat so droe keel!

Tot more
vrede :)

Dag 3

Vandag was daar reenval in die Kaap so my klere drag het bietjie verskil van vorige dae. As ek moet verduidelik hoe dit vir my gevoel het sal ek se ek was 'n kruis tussen 'n rugby ondersteuner, jagter of Angus Buchan se seun om een of ander rede??




   Drag vir die Dag:

• Leer hoed
• Springbok Trui
• Dik Khaki Jas
• Blou Jeans
• Stewels

Ek dink ek begin nou baie meer afwyk van die normale dominante persoonlikheid van 'n traditionele Afrikaner. Gesprek voer met eenigiemand in die stad is fisies net onmoontlik. Dus voel dit vir my asof ek baie meer terug getrokke is in sosiale situasies aangesien my opinie nie eers in ag geneem kan word nie weens die taal grens. Vandag in die een hyser het n Britse man vir my uitgevra oor my drag. Hy het dit baie aanvallig geintrepreteer toe ek hom in Afrikaans terug antwoord en gedink ek vat hom vir die gek. 

Die grootste aspek wat vandag vir uitgestaan het was die praktiese uitwerking van drag as dit kom by gemak en die praktiese faktor. Ek ry op 'n bromponie klas toe elke dag, in reen of sonskyn. Vir die eerste keer in seker een 'n half jaar het ek nie eers 'n koue rilling of yskoue steek ervaar nie. Alhoewel volgens modes die klere nie op datum was nie was dit vir my ongelooflik hoe prakties dit is en hoe dit werklik 'n doel verrig het, om my warm te hou. Ek is iemand wat baie daarna strewe om goed te voel oor hoe ek lyk. Sekere dae sal ek n jas aantrek wat vreeslik "in" is maar as ek by die klas aankom hardloop ek soos n maer vark tot binne voor ek verkluim. 

Die stewels was ook ongelooflik prakties. Om by die huis te kom en jou skoene op die vensterbank te sit om droog te raak was glad nie eers 'n behoefte nie. Snaaks genoeg het ek my voet teen die sypaaidjie gestamp oppad huis toe en eks trots om te se dat geen blou tone nog waargeneem is nie.

Ek het met Albert n gesprek daroor gehad en dis maklik om te se Afrikaners/Boere het nie styl nie maar die praktiese aspek word nie altyd in ag geneem nie. Ek meen ek kan defnitief die situasie uit 'n ander oogpunt beskou na vandag. Ek was nie self op 'n plaas groot gemaak nie en het nog nooit op een gewerk nie. Maar as ek moes sou ek enige tyd soos vandag aantrek eeders as met n paar Adidas sneakers en 'n swart skinny jean.

Net vi jokes Albert het die hoed opgehaad en mens kan duidelik in die prent sien dat die hoed wel stylvol kan wees indien dit by die kleur van jou hare pas. (Ja ek het toestemming om dit op te sit.)

Oor die algemeen was dit weereens 'n interessante dag, more SOKKIE ek by die klas. Ja 'n video sal opgelaai word en dan sal ek bietjie navorsing by las oor die kultuur van sokkie.

vrede :)

Dag 2 Deel 2

Gisteraand was ons by Tjing Tjing  in Longstreet wat basies ‘n “Cocktail Lounge” (Slet-sappie Leef area?) is. Ongelukkig het ek geen fotos wat ek kan op sit nie almal blur. So net om ‘n prentjie te verf van die omgewing waar in ek was hier is ‘n paar fotos van hoe die plek lyk.

Soos julle kan sien dit is nie die tiepiese plek om ‘n ou in ‘n Springbok trui met stewels en ‘n John Deer pet te sien nie.

Asof dit nie genoeg was dat ek my kop moes laag hou nie kon ek nie eers as ‘n stereotiepiese Afrikaner drink nie. Daar was niks Castle of Black Label nie en toe ek ‘n dubbel Brandewyn en Coke wou bestel, raai gou hoeveel wil die rooinek my vra… R57…. Ek het MOS geld vir dit.  

Alhoewel die noointjies was darem al te pragtig. Nie dat ek veel kon reg kry nie want ons gesprekke het gestop by…. Wel … “My naam is Daniell”. Almal het of gese ”Can you talk English?” of net dadelik my geignoreer… Ek gaan nou nie spog en se ek was nog altyd toegepak onder die meisies nie ma' hell...  Gewoonlik kom ek darem verby die eerste 2 sinne in die gesprek.

Die musiek was jou tiepiese alternatiewe dans musiek. Gelukkig het ek fantastiese pelle daar gehaad wat ook met hulle 10dae intervensies besig was. Toe ek my weer kon kry sokkie ek met amper al my Engelse vriendinne op die mees onvanpasde musiek. Ok sokkie is miskien nie die regte woord nie.. meer rond geloop/geval, maar dit was op die ou einde ‘n baie lekker aandJ.

Tayla ek hoop jyt jou 21^st geniet,

VredeJ

Dag 2

Vandag se volle post gaan nie nou verskyn nie aangesien my dag nog nie klaar is nie!  Ja hierdie Afrikaner gaan venaand bietjie kuier in die stad vir n 21st. Ek is letterlik venaand ge F A K. Die kans om iemand venaand wat afrikaans is raak te loop is 'n vet ronde NUL, ma ons kyk maar hoe dit uitdrai.

Wens my sterkte!

Dag 1

Sooo.. Die eerste dag was nogals moeilik in baie opsigte maar dit het defnitief my geforseer om oor sekere aspekte en situasies met 'n baie anderste perspektief te kyk.

Net voor di res van die blog te boring raak net 'n teaser dat binne die opkomende paar dae daar n video geskiet gaan word van my wat in my universiteit bietjie sokkie ( nie vir sensitiewe kykers nie ) en natuurlik net met Baries se onbeheerbare geluk is ek genooi na 'n 21ste kuier in seepunt by 'n baie alternatiewe engelse kuier plek so ja fotos en ondervindings sal gepubliseer word. ( as eenigiemand weet stuur asseblief pick up lines in Afrikaans wat engelse chicks sal verstaan ;) )

Drag vir die Dag..

- John Deer pet
- Pa se ou Voortreker hemp
- Swart T-Hemp
- Jeans
- Stewels











Nou net om 'n bietjie agtergrond oor die Voortrekkers te gee. Die Voortrekkers is 'n kultuur beweging wat al vir meer as 80 Jaar aan die gang is. "Die Voortrekkers is ‘n kultuurbeweging wat die moderne Afrikaner, in besonder sy jeug, bemagtig om as positiewe Burgers en konsekwente Christene suksesvol te wees. Elke lid gaan sy volle potensiaal bereik deur geleenthede te gebruik om effektiewe persoonlike leierskap te ontwikkel. " (www.houkoers.co.za , 2014)

Nadat ek my bromponie geparkeer het was dit tyd vir die langste stap sessie klas toe van my lewe.. sover. Ek het letterlik 3 keer oor dieselfde pad gestap om die gesigsuitdrukkings van al die toeskouers te vermy. Toe my vriende my sien was lag duidelik die eerste gedagte wat hulle koppe binnevaar maar gelukkig kon ek saam lag toe die aandag draai en ek vir die eerstekeer registreer hoe hulle ook lyk en die personas wat hul ingeneem het. Ek het ook op 'n punt gevoel dat daar geen nut was vir my om by klas te wees nie, Byvoorbeeld in ons een klas het ons 'n gesprek gehaad en toe ek trugvoering wou gee het die lektor nie verstaan wat ek se nie en net aangegaan. Ander vriende hetmy vermy en ons kon nie ons normale verbale interaksies meevoer nie wat my in n baie ongemaklike posisie geplaas het. Dit het gevoel asof mense doof was teenoor my terwylek as hierdie Afrikaner voor hulle staan.




- Die kykke in die stad was heel moontlik die snaakste/ongemaklikste

Dit is interresant om ook in ag te neem dat as ek so gelyk het in 'n ander area soos bv. Stellenboch my reaksies dramaties sou verander.

'n Groot skok vir my vandag was om vir die eerste keer te besef dat een van my pelle in 3de jaar nog altyd Afrikaans was en ons nou al vir een en 'n half jaar in Engels kommunikeer sonder daardie wete. Ek dink daar is 'n voorgestelde idee in ons onderbewussyn dat almal in die area om jou veronderstel is om Engels te wees, dus op eerste ontmoeting, alhoewel Afrikaans ons huistaal is, ons eerders in 'n ander taal begin kommunikeer het.

Maar is dit ook moontlik dat ons slegs te skaam is om ons self voortestel en nie te katagoriseer as Afrikaans nie. Of is daar dalk moontlik 'n konneksie met skuld gevoelens wat vanaf die verlede generasies op ons oorgeplaas is. Kan die blote stigting van my kultuur sekere mense se perspeksies oor my dadelik verander of voorgestelde idees plant. Ek kan anneem dat in die tyd toe my Pa daardie voortrekker hemp gedra het dit glad nie so vreemd was nie en eeders 'n vorm van trots. Maar hoe verdwyn daardie trots oor 'n generasie.

Mense wat gebore is in die appartheids tydperk was baie minder gekondisioneer in skole oor die hele situasie as my generasie. Ons is ons hele lewe al deel van die Rainbow Nation en was konstant gevorseer om te leer en te verstaan wat in appartheid gebeer het en alhoewel ons nie self daar was nie dra ons daardie skuld gevoel van keuses wat gemaak was toe ek nog nie eers 'n gedagte was nie. Ek was vandag bewus van daardie skuld gevoel. Ek hetgevoel dat hierdie vorm van Afrikaner my direk koppel aan wat gebeur het in appartheid. En ek wat myself in daardie negatiewe lig sien het verorsaak dat ek myself so uit hulle oe sien. Ek lewe in hierdie lewens-siklus waar almal gelyk is, maar die ouer mense van ander rasse wat my waargeneem het, is nie deel van dieselfde een nie. Ek het konstant in my onderbewussyn gevoel dat deur hoe ek lyk verteenwoordig ek daardie tydperk en gebeure.

Ek dink omdat engels 'n universele taal is het ek dit altyd gesien as 'n manier om my te differentieer van die traditionele Afrikaner persona. Dat dit my nie as "oldminded" of dominant of rasisties representeer nie maar wys dat ek 'n moderne uitsig oor die lewe het.

Neem net in ag dat alle aanmerkings personlike opinies is en nie nootwendig met die werklike sal ooreenstem nie.

Maar daardie is genoeg insette uit die diepte van my denk-proses, more probeer ek 'n meer modern aspek aan my persona voeg en gaan uit as 'n afrikaner in die stad. so kom koekeloer maar weer as jy wil volg.. jou keuse ;)

vrede :)